بلشنا هالايام وقد خرجت علينا موضة البمبي والموف واللونين هذي كانت
في الجوالات والحين اصبحت في السيارات .
يالله دوشتونا وش فيكم يا بنيات ترونى أحبكم حيل بس مسختوها ..
رفقا بنا يابنات حواء خلوكم رقيقين معانا فنحن لا نملك لكم سوى المحبة
وشق الجيوب .
نعم شقيناها من أجل ملابسكم بشتى الوانها وجوالاتكم بكل لون وصنف .
وراضين ومستانسين وش نسوي فيكن يا نساء العالمين .
نعم ابلشتونا مع موضة القيادة اللي فُنيتوا علينا تهاويلها ..!!
اصبحتوا تطالبون بالوان للسيارات وما قد سبقكم بها أحد في العالم!!؟
اللي تبي سياره لون وردى والداخليه أزرق ...! يا حضى
واللي تبي لون موف والداخليه أسود يا خراشي على قولة المصري ..؟؟!!
لا والله البلشه يا هوانم ترونا يالله رضينا تسوقون وقلنا مساكين
خلوهم يستانسون ويريحونا من هالمشاوير اللي هلكونا بها طوال حياتنا أبان كُنا نقود
لهم السيارات وهن ملكات وأميرات خلف القائد وأوامرهم مطاعه..
الان قضت تلك الاوامر وابلشونا بلأوامر الجديدة !!
ابي لون وابي شكل وابي وأبي ..
!!!
والشركات احتارت فيهم من وين بيلبون هالطلبات لهم .. الوان غريبه
ونوعيات أغرب ...
الحقيقة يجب أن يحمدون ربهم ويطلبون الله ويسوقون سياراتنا القديمه
ويحمدون الله ..
يا بنات لا تخلونا نغير رئينا ونردكم للمقاعد الخلفيه ونرتاح ....
وتستمتعي بالرحلة ونحن الله يعيننا نقود السيارة ...
يا خوفي لا يغيرون الوان سياراتهم مع كل فستانً وجزمه وكل يوم سيارتها
بلون ونبلش بكسوة الزوجة والسياره مع كل مناسبة ويا هُما لالي على قولة البدو
عندنا ...
اقول الله المستعان وش انسوي .. ؟؟
يارٍجااااااااال العالم ردوا وقولوا وش نسوي بهالموضة اللى فًنت علينا
وخصوصا يومن سمعن أن فيه تغيير الوان السيارات بلاصق بلاستيك ما يأخذ ربع ساعه
والا السياره باللون اللي تبيه ؟؟!
والله كارثه يا نسوان ابعدونا عن المنقووووود مثل مايقولها أهل الجنوب ..
أبعدونا من المنقود يا نسوان وياهُما لالي لو يسوونها ويا خراشي لو
نوافقهم ..!
يابنات وش فيكم ؟؟ هههههههه وعجبي
المقال لونته بالموف من أجل عينيكي سيدتى
إرسال تعليق
نرحب بك في موقعنا ونشرف برأيك فرأيك يهمنا وفقك الله